कोकणामधे अगदी चित्रांत शोभावीत अशी पुष्कळ ठिकाणं आहेत. गुहागर तालुक्यातील `बुधल सडा` हा परिसर या बाबतीत विशेष आहे. अर्धवर्तुळाकार किनारा, रुपेरी वाळूची पुळण, किनाऱ्यावर हेलकावणाऱ्या रंगीत होड्या, त्यांना वेढणारे समुद्राचे निळे नितळ पाणी... अशा पार्श्वभूमीवर हिरवी गच्च शाल पांघरून या सौंदर्यात अजून भर घालणाऱ्या टेकड्या आणि या सर्वात विसावलेली, कौलारू छपरांची ती टुमदार कोळ्यांची घरे... खरोखरच एक स्वप्नातील गाव!

तालुका - रत्नागिरी

बस स्थानक - रत्नागिरी

रेल्वे स्थानक - रत्नागिरी

योग्य काळ - वर्षभर 

गुहागर तालुक्यातील बुधल सडा किंवा बुधल हे छोटेखानी गाव अगदी या वर्णनात चपखल बसतं. गुहागर - वेळणेश्वर रस्त्यावर अडूर गावाजवळील या गावाचा समुद्रकाठचा भाग म्हणजे बुधल. गावाच्या कडेला असलेल्या काळ्या खडकांवर समुद्राच्या लाटांचे सतत थैमान चालू असते.

खडकांवर आदळून शुभ्र तुषारांचं कारंज फुलविणारा लाटांचा खेळ नजरेचं पारणं फेडतो. बुधल हे पूर्वी ‘बुध्दीलग्राम’ किंवा ‘बुध्दीलदुर्ग’ म्हणून ओळखले जायचे. त्या काळी ते एक चांगले बंदर म्हणून प्रसिध्द होते परंतु आता इथे फक्त कोळीवस्ती आहे. गुहागर परिसराच्या पर्यटन यादीत बुधल सडा या ठिकाणाचा समावेश अपरिहार्य आहे. शेजारीच असलेल्या एका टेकडीवर दुर्गादेवीचे मंदीर आहे. तिथून दिसणारा नजारा डोळ्याचे पारणे फेडणारा आहे. 

जवळील प्रेक्षणीय स्थळे - गुहागर बीच, गोपाळगड, वेळणेश्वर, दशभुजा गणेश - हेदवी  , बामणघळ - हेदवी  

अनुभवण्यासारखे खूप काही

मंडणगड किल्ला, मंडणगड

चला तर मग!

जयगड, रत्नागिरी

चला तर मग!

श्री व्याडेश्वर देवस्थान, गुहागर

चला तर मग!
Positive SSL