सुंदर समुद्रकिनारा असलेल्या वेळणेश्वरपासून दक्षिणेस फक्त १० किमी अंतरावर हेदवी येथील पेशवेकालीन गणेशमंदिर आहे. त्याकाळी पेशव्यांनी या मंदिर उभारणीसाठी एक लाख रुपये दिले असल्याचा उल्लेख आढळतो. मंदिराचा परिसर अतिशय प्रसन्न आहे व वरपर्यंत जाण्यासाठी पायऱ्या असून गाडी रस्ताही बांधलेला आहे. रंगीत तटबंदी, आजूबाजूची आमराई व वेगवेगळ्या रंगीत फुलांनी सजलेल्या बागेच्या पार्श्वभूमीवर उठून दिसणारे हेदवी गणेशाचे दगडी मंदिर पाहून पर्यटक त्याच्या प्रेमात पडतात.

तालुका - गुहागर

बस स्थानक - गुहागर

रेल्वे स्थानक - चिपळूण

योग्य काळ - वर्षभर 

हेदवी येथील गणेशमूर्ती `श्री दशभुजा लक्ष्मी गणेश’ म्हणून ओळखली जाते. या मंदिरातील गणेशाची मूळ मूर्ती काश्मिरात घडवली गेली असे सांगण्यात येते. मूर्तीच्या गळ्यात नागराज असून डाव्या मांडीवर लक्ष्मी बसलेली आहे. श्री गणेशाने हातात त्रिशूळ, धनुष्य, गदा, चक्र, शंख, परशू ही आयुधे धारण केली आहेत. त्याचबरोबर नीलकमल, पाश, रदन (दात), धान्याची लोंबी व मोदक अशा वस्तू आपल्या भुजांमध्ये धारण करणारी ही संगमरवरी गणेशाची मूर्ती अतिशय सुंदर आहे. अशा प्रकारच्या शस्त्रसज्ज मूर्ती इतरत्र दिसून येत नाहीत.

अनुभवण्यासारखे खूप काही

बामणघळ, हेदवी

चला तर मग!

अंजनवेल, गुहागर

चला तर मग!

श्री दशभुजा गणेश, हेदवी

चला तर मग!
Positive SSL